Graduación

Caros e caras lectores,

hoxe gradúome, hoxe pode dicirse que remato unha etapa da miña vida... malia que aínda non estou licenciado (ai esa nota de Lite V cando sairá...!!) a vida na facultade dunha promoción rematou, e agora somos lanzados, cal pitiño de ave, ao abismo dos cantís para tentar voar sós ou bater contra as rochas no intento.

Agora tocaría unha reflexión profunda sobre os anos na facultade... mais vou pasar. Creo que todo o mundo que le este bloguiño xa sabe o que me aportou a miña estadía na pindirica da Zapateira. Amigos, colegas, unha moza boa como un mundo, unha dedicación, unha vocación e até unha forma de ver o mundo, ou unha axuda para que a miña forma de ver o mundo sexa a que teño actualmente.

Hoxe ás 18.30h terá lugar o acto de graduación... falarán o outro Luis por inglesa (imos previdos) e Samoel por galega (o público adórate!).

Despois, pinchiños, tomarlle algo, cear e encher; que para algo esta é, teoricamente, a nosa última (esperemos que non derradeira) festa universitaria.

Remato agradecendo a todos (compañeiros, profesores, xente que coñecín por estar na facultade...) os que me fixeron pasar bos momentos durante estes catro anos... algúns marcharon, e recibimos novas de cando en vez; outros non sabemos deles; outros non virán hoxe; mais á maioría que si van estar só lles teño que dicir:

Graciñas!

e...

vémonos hoxe á noite!